Die 24 mensis Mai 1968 post brevem morbum pie in Domino obiit dilectus confrater noster

professus et sacerdos jubilaris.

Natus erat 10. 2. 1886 in Pavelsbach (Dioec. Eystettensis). Studiorum curriculo decurso, 29. 6. 1909 sacerdotio initiatus est et omnibus viribus curae animarum se dedit. Sed desiderium vitae monasticae eum mox in monasterium nostrum perduxit, ubi 26. 8. 1912 votis se Deo mancipavit. Per unum annum cooperatoris munere in parochia nostra Neuhausen functus est. Studiis deinde philologiae classicae in universitatibus Monacensi et Herbipolensi persolutis, per 50 fere annos magister, praeclara docendi facultate ornatus, adolescentulis imbuendis in nostra schola assidue operam navabat. Insuper, cum esset omni bono intentus, tum scientiis tum historiae et artibus occupabatur necnon ludos scenicos ad illustranda praecipua salutis mysteria composuit. Fidelium confessionibus indefesse incubuit. Per plurimos quoque annos tertium S. Francisci ordinem magno zelo moderavit. Familiae nostrae in variis officiis fideliter servivit, religionis ac pietatis exemplum omnibus praebuit, fratrum defunctorum rotulas decore conseripsit.

Ut fidelem famulum suum Christus suscipiat in regnum suum gloriosum, pietatis fraternae suffragia petimus et orabimus pro vestris.

natus 10. 2. 1896, defunctus 24. 5. 1968

e numero veteranorum scholae nostrae magistrorum per quadraginta tres annos indefesse inservivit adulescentibus erudiendis litteris nostratibus, Latinis, Graecis necnon historia rerum gestarum et institutione civili. Quas disciplinas imbutus profunda et fervida pietate utpote vir vere religiosus discipulis tradidit. Excelluit dictione culta, amore rerum praeteritarum et monumentorum litterarum, qua in parte ipse nonnulla opera typis mandavit, studioque philosophiae, ad quam usque ad ultimos menses vitae aditum voluntariis auditoribus patefacere non recusavit, ita ut grata memoria huius magistri optimi sine dubio sepulcri sit expers.

zurück zu den Texten zur Mettener Lokalgeschichte

St.-Michaels-Gymnasium Metten metten_gym@degnet.de