Regi saeculorum immortali, in cuius manibus conduntur vita et mors hominum, placuit a nobis avocare, ut eum ad veram vitam revocaret,

Natus 14. 5. 1905 in Aichach, oriundus ex spectata familia, studia humaniora absolvit in nostro Instituto Puerorum, iam tum egregius promotor Congregationis Marianae. Insigni indole religiosa praeditus monasterium nostrum ingressus anno 1925, votis nuncupatis anno 3. 5. 1926, sacerdos factus est anno 1930. Per complures annos in diversis parochiis nobis commissis officium Cooperatoris explebat, omnibus fidelibus acceptus propter sinceram humanitatem, utpote erat ingenio facili et comi. Deinde parochiam in Michaelsbuch regendam suscepit, quo in munere animarum zelo flagrabat, inprimis operam dans praedicationi evangelicae. Cum esset mira facundia, per multos annos Ephemeridas Homileticas "Haec loquere et exhortarel" ut redactor administrabat. Interrupta est haec meritoria occupatio, per nonnullos annos, cum officio Cellerarii fungeretur. Tandem, quod erat ei in votis, parochiae in Stephansposching praepositus, iterum cum summo studio vires iam labantes curae animarum impertiebat. Correptus vero morbo canceroso, quem fortiter dissimulabat, obiit 15. 3. 1961 in nosocornio Fratrum de Misericordia Ratisbonae.

Cuius animam refrigeret Deus omnipotens et misericors, precamur, semper memores conversationis eius religiosae. Praebeant etiam, enixe flagitamus, Confoederati nostri animae eius consueta Suffragia, ad idem opus numquam non paratissimi.

Metten, 16. März 1961

Abbas et Monachi Metamenses

zurück zu den Texten zur Mettener Lokalgeschichte

St.-Michaels-Gymnasium Metten metten_gym@degnet.de