Tertio manus Domini tetigit nos! Post brevem morbum, omnibus morientium sacramentis rite munitus, a Rege, cui omnia vivunt, vocatus est carissimus frater noster

natus 24.4.74 in Gerlhütte, Dioez. Budwicensis, sac.10.6.00, prof. 26.7.02, defunctus 9.7.47.

Defunctus confrater eximia erat pietate, inprimis tenera in Christum crucifixum devotione. Quamquam semper erat infirma valetudine, indefesse laborabat in vinea Domini. Jam priusquam monasterium nostrum intravit, cooperator in Donaustauf fuit. Professus per longos annos munere praefecti puerorum et catechetae functus est, dein inter fratres munere magistri oblatorum, infirmarii et vestiarii, animas sibi commissas amore quasi materno complectens, ad confessiones audiendas et visitandos infirmos etiam in parochia incessanter sollicitus. Memoria illius in benedictione erit.

zurück zu den Texten zur Mettener Lokalgeschichte

St.-Michaels-Gymnasium Metten metten_gym@degnet.de