St.-Michaels-Gymnasium
Mettenmetten_gym@degnet.de
Festo Pretiosissimi Sanguinis Domini nostri Jesu Christi, carcinomate et infirmitate cordis correptus, quievit in Domino sacris Ecclesiae Sacramentis munitus, perdilectus confrater noster
Ven. P. Othmarus Stauber 0.S.B.
Subprior,
aetatis suae anno 78, sacerdotii 53, professionis 56.
Per multos annos in abbatia Metamensi, monasterio professionis suae, magister gymnasii et praefectus seminarii fuit. Anno 1918 in monasterium Altahense nuper renovatum translatus, assidue orationi incumbens, in schola, in cura animarum, in servitio fratrum enixe operosus, omnibus exemplar conversationis monasticae praebuit novique monasterii maximis difficultatibus laborantis fidelissimum membrum certissimumque columen se praestitit.
Ut servus vere bonus et fidelis uberem laborum mercedem accipiat, Vestra precamur orationum suffragia et Sacrificia, ad idem caritatis servitium paratissimi.
Ex Abbatia de Niederaltaich, die 1. Julii 1937
Abbas-Administrator et Conventus.
| St.-Michaels-Gymnasium
Metten metten_gym@degnet.de |