Die 4 Julii 1968 in nosocomio Adelholzen subitanea morte nobis ereptus est dilectus confrater

aetatis suae anno 67, professionis 45, sacerdotii 41.

Confrater defunctus, natus 9. 5. 1902 in Deggendorf, studia humaniora in nostro gymnasio absolvit. 17.5.1924 vota emisit et 24. 3. 1928 sacerdos ordinatus est. Per complures deinde annos in parochiis nostris strenue in vinea Domini laborabat. 1940 ad militiam evocatus, curae aegrotorum et sauciorum militum deputatus est. Post bellum, schola nostra 1946 denuo aperta, vires suas in educandis et instruendis pueris plane consumpsit. Quare, valetudine nimia operositate debilitata, intra monasterium diversa officia, inprimis hospitarii, explevit. Omnem autem industriam suam periodico "Alt und Jung Metten" redigendo imperiit, cujus ope cum pristinis scholae nostrae discipulis familiari necessitudine jungebatur. Tandem 1963 valetudinis causa in Mitterndorf prope Frauenchiemsee capellani munus apud moniales OSB suscepit.

Confratris amabilis animam commendamus vestris suffragiis, ad paria caritatis officia paratissimi.

natus 9. 5. 1902, defunctus 4. 7. 1968

annis difficilibus et arduis cladem illam funestam et ruinam omnium rerum subsequentibus bello perdura passus reversusque ex captivitate omnes tenuis suae valetudinis vires scholae et seminario nostro impertivit docens religionem, geographiam, linguam nostram, elementa linguae Latinae et severe invigilans tironibus domi discentibus. Morbo fatali iam increscente in communitatem fratrum revocatus et postea foris degens nec mente nec opere defuit discipulis, cum et libros scriptorum recentiorum eis comparavit et praestitit et moderando periodicam Alt und Jung Metten dictam animos veterum et iuvenum alumnorum colligavit vinculo ingenii nobis traditi. Quae ut Deus remunerator omnium ei retribuat, precemur.

zurück zu den Texten zur Mettener Lokalgeschichte

St.-Michaels-Gymnasium Metten metten_gym@degnet.de